11 (5) 1. అంతట రాజు ఆమెతో ”ఎస్తేరు రాణీ! సంగతియేమి? నీ కోర్కెయేమో తెలియ జెప్పుము. నీవు నా రాజ్యమున అర్థభాగము అడిగినను ఇచ్చెదను” అని పలికెను.
2. ”ప్రభువుల వారికి సమ్మతి యగునేని తమరును, హామానును నేి రాత్రి నేను సిద్ధముచేయనున్న విందుకు దయచేయుడు” అని విన్నవించెను.
3. అతడు హామానును త్వరగా పిలువు డని సేవకులను ఆజ్ఞాపించెను. అటు పిమ్మట రాజు, హామాను ఎస్తేరు విందునకు వచ్చిరి.
4. విందులో ద్రాక్షాసారాయమును సేవించు నపుడు రాజు ఎస్తేరుతో ”నీ కోరికఏమో తెలిపిన తప్పక తీర్చెదను. నీవు నా రాజ్యమున అర్ధభాగము అడిగినను ఇచ్చెదను” అనెను.
5. ఎస్తేరు ”నా అభి మతమిది.
6. ప్రభువుల వారు నన్ననుగ్రహించి నా కోర్కెను తీర్పగోరెదరేని హామానును, తమరును రేపు నేను సిద్ధము చేయనున్న రెండవవిందుకు గూడ దయ చేయుడు. నా మనవిని రేపు విన్నవించుకొందును” అని చెప్పెను.
7. హామాను విందు ముగించుకొని ఆనంద ముతోచిందులు త్రొక్కుచు వెళ్ళిపోయెను. కాని, ప్రాసాదద్వారము చెంతనున్న మొర్దెకయి తనను జూచి లేచి నిలబడకపోవుటను, నమస్కారము చేయక పోవుటను గాంచి ఉగ్రుడైపోయెను.
8. అయినను అతడు కోపమును అణచుకొని, ఇల్లుచేరి తన స్నేహి తులను పిలిపించెను. తన భార్య సెరేషును చెంతకు రమ్మనెను.
9. హామాను వారితో తన సిరి సంపదల గూర్చి, రాజు తనను ఆస్థానమునందలి ఉద్యోగులు అందరికంటె పెద్దచేసి, ప్రధానమంత్రిని చేయుటగూర్చి గొప్పలు చెప్పుకొనెను.
10. ”ఇంకను వినుడు. ఎస్తేరు రాణి విందుచేయించి రాజును, నన్ను మాత్రమే ఆహ్వా నించెను. అంతేకాదు ఆమె రేపివిందుకు కూడ రాజుతోపాటు నన్నును ఆహ్వానించెను.
11. కాని ఆ యూదుడు మొర్దెకయి ప్రాసాదద్వారము చెంత ఆ రీతిగా కూర్చుండి ఉండుటను చూడగా ఈ గౌరవ ములన్ని ఏపాివి?” అనెను.
12. అప్పుడు హామాను భార్య, అతని మిత్రులు ”నీవు యాబదిమూరల ఎత్తున ఒక ఉరికంబమును నిర్మింపుము. దానిమీద మొర్దెకయిని ఉరి తీయింపుడని రేపు ప్రొద్దున రాజునకు మనవి చేయుము. ఆమీదట చీకుచింత లేకుండ విందుకు హాజరుకమ్ము” అని సలహాఇచ్చిరి. ఆ సూచన హామాను నకు నచ్చెను. కనుక అతడు ఉరికంబమును సిద్ధము చేయించెను.